Hello Janine… “Masayang-masaya ang puso ko ngayon!” — Jericho

Ni Rommel Placente

AFTER 6 years, muling mapapanood sa isang serye si Jericho Rosales via Lavender Fields, na bida si Jodi Sta Maria. Gumaganap siya bilang asawa ni Janine Gutierrez, na nakarelasyon din si Jodi.

Sa mediacon ng Lavender Fields, after ng celebrity screening nito, tinanong si Jericho kung bakit nag-decide siyang muling gumawa ng teleserye, at tinanggap ang offer na mapabilang sa Lavender Fields.

Sabi ni Jericho,”It was timing. I say timing, because it’s a yes year for me, and I said, okey, yes to all good things.

“I feel like…I’m a better person of myself from 6 years ago in terms of acting, or in terms of being an artist, parang ganoon.

“And I am more accepting and welcoming. You know, I see things in a different perspectives.

“I know where I wanna bring my career. I know the stuff that I wanna do.

“So timing was great, because Lavender Fields provided a venue for me to play. And i just really wanted to play na with this character named Tyrone or sometimes Arthur.

“He always makes hard decisions. He always makes mistakes. He always gets himself with trouble, and now, he keeps himself hiding and hiding until there’s nowhere to hide.

“So for me. Oh my God! Ang dami kong pwedeng paglaruan sa character na ito, that made me said yes,” paliwanag pa niya.

“After watching the final product, which is amazing, so I wanna thank our directors,” aniya pa.

Bukod kina Jericho at Jodi, kasama rin sa cast ang nali-link ngayon sa aktor na si Janine Gutierrez. Natutuwa si Echo na nakatrabaho ang dalawang mahuhusay na aktres.

“”Stoked I’m finally working with Jodi and Janine and the rest of the gang! We have an amazing cast!”

During the mediacon,panay ang titig ni Jericho kay Janine na halatang in-love siya sa dalaga.

Kaya naman tinanong namin siya kung kumusta ang lagay ng puso niya ngayon, ang sagot niya,”Masayang-masaya,”

Kung masayang-masaya ang puso ngayon ni Echo, hindi kaya sila na ni Janine? Sinagot na kaya siya nito, after niyang kumpirmahin sa mga nauna niyang interviews na nagdi-date sila ng dalaga ni Lotlot de Leon?

Kasama rin sa cast ng Lavender Fiels ang nag-iisang Diamond Star na si Maricel Soriano na gumaganap bilang si Aster na umampon kay Jodi.

“Hindi siya judgmental. Willing siyang makinig,” sabi ni Maricel tungkol sa kanyang character.

Patuloy niya,“Pinakinggan niya [‘yung character ni] Jodi. Kahit ganoon ‘yung itsura niya na parang nakakatakot kasi sobrang bugbog sarado siya, sinabi niya na ‘tutulungan kita’. Tinotoo niya lahat ‘yun. Hanggang sa ginroom niya nang magandang-maganda si Jodi.”

Ang Lavender Fields ay mapapanood na simula sa September 2 sa A2Z channel at TV5. Mula ito sa direksyon nina Emmanuel Palo at Jojo Saguin.