Bagitong pulis sugatan sa minamanehong kotse

Sugatan ang isang pulis na may ranggong patrolman matapos maibangga niya ang kaniyang kotse sa kahoy ng malunggay sa Sarrat, Ilocos Norte noong Huwebes ng madaling araw.

Sa imbestigasyon ng pulisya, pauwi na umano ang biktima ng mawalan umano ng kontrol ang kaniyang sasakyan sa kurbadang bahagi ng kalsada.

Dumiretso ito sa gilid at nabangga nito ang kahoy ng malunggay at nahulog sa canal.

Agad siyang tinulungan ng mga residente at dinala sa ospital dahil sa tinamong sugat sa iba’t ibang bahagi ng kaniyang katawan.

Nasira naman ang harapan ng kotse.