Vacation service credits ng mga guro, itinaas sa 30 araw

DINOBLE pa ng Department of Education (DepEd) ang vacation service credits ng mga guro sa 30 araw.

Paliwanag ng DepEd ang mga service credit, kung saan nagbibigay-daan ito sa mga guro na i-offset ang mga pagliban dahil sa sakit o personal na dahilan, o upang mabawi ang mga bawas sa suweldo sa panahon ng bakasyon.

Ang panibagong kautusan ay nagbibigay ng karapatan sa mga kasaluku-yang guro na may hindi bababa sa isang taon ng serbisyo, gayundin ang mga bagong hire na guro na itinalaga sa loob ng apat na buwan pagkatapos ng pagsisimula ng klase, ng 30 araw ng mga vacation service credits taun-taon.

Maliban dito, ang mga bagong guro na ang mga appointment ay ibinigay sa nakalipas na apat na buwan pagkatapos ng pagsisimula ng mga klase ay makakatanggap ng 45 araw ng mga bakasyon bawat taon.