First Lady Louise Araneta-Marcos Suportado ang “LoveYourself”, Pia at Catriona Nagsanib Pwersa sa WAD
Advertisers
Ni Oggie Medina
SUPORTADO ni First Lady Louise Araneta-Marcos si Miss Universe 2015 at UNAIDS Goodwill Ambassador for Asia and the Pacific Pia Wurtzbach sa pagpapalaganap ng kamalayan hinggil sa HIV-AIDS sa pamamagitan ng pagsuporta sa isang NGO, ang “LoveYourself”. Nakipagkita siya kay Pia sa Bahay Pangulo bilang paghahanda sa World AIDS Day.
”Thank you for creating safe, compassionate spaces and offering life-changing resources to empower those who need it most,” saad ng First Lady.
Natatandaan na ang dating beauty queen ay nagsaad na “this program aims at raising awareness on HIV-AIDS through social media campaigns, educational videos, training sessions, including online testing, resource centers, and mental health services.”
Sa Disyembre 3, magkakaroon ng LoveYourself’s Love Gala, tinaguriang “Eternal Elegance: A Night of Timeless Love”, na gaganapin sa Marquis Events Place in BGC, Taguig.
***
AYON kay Raymond Diamzon, sa Disyembre 1 ay World AIDS Day at magkakaroon ng paglulunsad ng “Undetectable = Untransmissible Campaign Logo and Ambassadors” sa pangunguna nina Miss Universe 2018 Catriona Gray at Miss Universe 2015 Pia Wurtzbach na gaganapin sa 2:00 PM sa Chardonnay by Astoria sa Pasig City.
Ayon kay media relations manager Diamzon, noong nakaraang Nobyembre 20 at 21 sa Quezon City’s Crowne Plaza Manila ay nagkaroon ng National Conference on Family Planning (NCFP) sa pangunguna ni Secretary Ted Herbosa ng Department of Health, na siyang naghatid ng mensahe (opening remarks) ni Pangulong Ferdinand R. Marcos Jr. Dumalo ang mga mayors na galing pa sa urban at rural areas sa Pilipinas, mga opisyal buhat sa state at private agency partners, at iba pang local at foreign stakeholders upang talakayin ang “strategic directions to strengthen the implementation of Universal Health Care Act and the Responsible Parenthood and Reproductive Health Act of the Philippines in pursuit of better family planning and population management in the country.”