6 patay sa 529 aksidente sa holiday season

NASAWI ang anim katao sa kabuuang bilang na 529 kaso ng road traffic incidents sa bansa ngayong holiday season.

Apat sa nasawi mula sa motorcycle accident.

Nitong Enero 1, may 33 bagong kaso ang naitala na naaksidente sa kalsada.

Ang mga sumusunod na datos mula sa 8 pilot sites na binabantayan ng Department of Health (DOH) mula Disyembre 22, 2024 hanggang Enero 1, 2025.

Kung ikukumpara naman ang datos nitong nakaraang taon, mas mataas ito ng 31% .

Sa datos ng DOH, 459 kaso ang hindi gumamit ng safety accessories.

Nasa 383 motorcycle accidents at mayroong 94 naaksidente na nasa impluwensya o nakainom ng alak. (Jocelyn Domenden)