HONTIVEROS KAKASANG PRESIDENTE!

DIRETSAHANG sinabi nitong Miyerkules ni Senator Risa Hontiveros na posibleng siya ang standard bearer ng oposisyon sa 2028 presidential elections.

Sinabi ito ni Hontiveros sa Kapihan sa Senado forum nang tanungin kung kinokonsidera niya ang pagtakbong presidente tatlong taon mula nga-yon.

“I’m not saying no. I’m open to all possibilities. At yun yung hinihingi ko din sa lahat na mga kasama sa oposisyon or independent bloc na maging bukas kami sa lahat ng possibilities at sa isa’t isa, alang-alang sa oposisyon at alang-alang sa ating mga kababayan,” diin ni Hontiveros.

Ang isa pang malakas na pambato ng oposisyon sa 2028 ay si dating Vice President ngayo’y nahalal na alkalde ng Naga City na si Leni Robredo.

Wala pang reaksiyon si Robredo ukol dito.