Asylum ni Roque malabong pagbigyan – DoJ

MALABONG pagbigyan ang ‘asylum’ request ni Atty. Harry Roque, ayon kay Justice Secretary Jesus Crispin Remulla sa panayam ng media nitong Lunes, May 26.

“I doubt it kasi Netherlands is one of the countries that goes against human trafficking, which is the charge against Harry Roque,” sabi ni Remulla.

Ayon kay Remulla, kanila narin ipinakansela sa Department of Foreign Affairs (DFA) ang pasaporte ni Roque.

Ayon pa sa kanya, maglilimita ito sa mga opsyon ni Roque.

“I think he holds 2 to 3 passports pa nga. May nagsabi sa akin nang ganun. Ang mahalaga talagang mapilitan siyang mag-account sa kanyang mga ginawa dito, ang dipensahan niya ang sarili niya,” ani Remulla.

“Hindi pa nga nagsisimula ang lahat tinatakasan niya na. Sa batas natin, flight is an indication of guilt.

Kaya sana harapin niya nalang para maging madali ang lahat para sa ating bansa,” dagdag pa ni Remulla.

Nahaharap si Roque sa mga kasong ‘qualified human trafficking’ at ‘regular human traffic-king’ kaugnay ng ni-raid na POGO hub Lucky South 99 sa Porac, Pampanga. (Jocelyn Domenden)