Higit P1b shabu nasamsam sa Angeles City

NADISKUBRE sa isang bahay sa Angeles City ang bulto ng iligal na droga na nagkakahalaga ng mahigit sa P1 bilyon, ayon sa Philippine Drug Enforcement Agency (PDEA).

Ang natuklasang droga ay resulta ng search warrant sa isang bahay sa kahabaan ng Orchid Street, Timog Hills Subdivision sa Barangay Pampang.

Isinagawa ng mga awtoridad ang operasyon Lunes ng madaling araw, ayon sa PDEA nitong Martes.

Ayon sa ahensya, naka-impake ang mga droga sa loob ng 155 transparent plastic bags na tumitimbang ng tig-iisang kilo.

“The subject of the search warrant, a Chinese, was nowhere in sight and remains at-large,” ayon sa PDEA.(Mark Obleada)