Disqualification vs Tulfo tuluyang ibinasura ng Comelec

DAHIL sa kawalan ng ebidensya at teknikalidad, tuluyang ibinasura ng Commission on Elections (Comelec) en banc ang disqualification petition na inihain ni Virgilio Garcia laban sa magkakamag-anak na Tulfo.

“Denied sa kawalan ng ebidenysa sa isyu ng citizenship at procedural technicality,” sabi ni Comelec Chairman George Garcia.

Kabilang sa mga respondent sa petisyon sina Senator-elect Erwin Tulfo, Ben Tulfo na kumandidato sa pagka-senador, Congresswoman Jocelyn Tulfo at anak na si Cong. Ralph Tulfo.

Iginiit sa petisyon na ang mga nabanggit ay kamag-anak ni incumbent Senator Raffy Tulfo kung saan nakasaad sa Konstitusyon na bawal ang political dynasty o magkakamag-anak na nakaupo sa halal na posisyon sa gobyerno.

Isa rin sa kinuwestiyon ng petitioner ang citizenhip ni Senator-elect Erwin Tulfo pero ayon sa komisyon, bigo ang petitioner na patunayan ang alegasyon. (Jocelyn Domenden)