PBBM TINIYAK MANAGOT ANG MGA UTAK AT SANGKOT SA MISSING SABUNGEROS

SINIGURO ni Pangulong “Bongbong” Marcos sa kanyang ika-4 na State of the Nation Address (SONA) na hahabulin at papanagutin sa batas ang mga utak at mga sangkot sa mga nawawalang sabungero na nangyari noong kasagsagan ng online sabong ng grupo ng gambling tycoon na si Charlie “Atong” Atong.

“Nagtutulungan ang buong pamahalaan para lutasin ang mga kaso ng mga nawawala (sabungero) dahil sa walang pakundangang kagagawan ng mga sindikato sa likod ng madilim na mundo ng mga sabungan.

Hahabulin at pananagutin natin ang mga utak at mga sangkot, sibilyan man o opisyal. Kahit malakas, mabigat o mayaman, hindi sila mangingibabaw sa batas.

Higit sa lahat, ipaparamdam natin sa mga salarin ang bigat ng parusa sa karumal-dumal na krimen na ito,” diin ng Pangulo.