BALANSENG POLISIYA NG MARCOS ADMIN SA ONLINE GAMBLING AT HAPPY ANNIV, POLICE FILES TONITE!

HINDI maitatanggi na ang sugal sa Pilipinas, maging ito man ay pisikal gaya ng casino, sabong, o mga pasugalan sa kanto, o online gaya ng e-sabong at iba pang betting platforms, ay matagal nang bahagi ng lipunan.

Marami ang naniniwala na ito ay isa lamang libangan o paraan para kumita ng dagdag na pera, ngunit sa likod nito ay may mas malalim na epekto sa tao at pamilya.

Isa sa pinakamalaking problema sa sugal ay addiction. Kapag ang isang tao ay nalulong dito, nawawala ang kontrol sa paggastos at paulit-ulit na bumabalik sa laro kahit natatalo na. Nagreresulta ito sa pagkabaon sa utang, pagkasira ng relasyon sa pamilya, at minsan ay pagkakasangkot sa ilegal na gawain para lamang makahanap ng pangtaya.

Tama naman ang hakbang ni Pangulong Ferdinand Marcos Jr. na magbuo ng isang multi-sectoral conference upang talakayin ang online gambling. Hindi sapat na basta lamang ipagbawal o payagan ito. Kailangang malinaw ang patakaran na may layuning protektahan ang bawat Pilipino, lalo na ang kabataan.

Ang sugal, pisikal man o online, ay may kapangyarihang sirain ang buhay ng tao kapag wala sa tamang regulasyon. Hindi lamang pera ang nalulustay dito, kundi pati relasyon, tiwala sa sarili, at kinabukasan. Maraming pamilya na ang nasira dahil sa bisyong ito, at ang paglaganap ng online platforms ay mas nagpapabilis ng pagkahulog ng tao sa patibong ng sugal.

Mahalagang balansehin ang regulasyon at kontrol. Kung tuluyang ipagbabawal nang walang malinaw na alternatibo, posibleng lumipat ito sa underground market na mas mahirap bantayan. Ngunit kung pahihintulutan, dapat tiyakin na mahigpit ang safeguards upang maprotektahan ang kabataan at mga mahihina laban sa adiksyon. Dapat ding isama sa usapan ang tulong para sa mga nalulong na—counseling, rehabilitasyon, at pagbibigay ng pagkakataon na makabangon. Ang laban sa negatibong epekto ng sugal ay hindi lamang sa pamamagitan ng batas, kundi sa pagtutulungan ng pamahalaan, simbahan, pamilya, at komunidad.

Sabi nga, hindi pera ang sukatan ng tagumpay sa pag-regulate ng sugal, kundi kung paano nito mapapanatili ang dignidad, kapayapaan, at kaligtasan ng bawat pamilyang Pilipino.

Aba’y malinaw na malaki rin ang epekto sa pamilya ng mga nalululong sa sugal. Kapag ang isa sa miyembro ng pamilya ay lulong dito, apektado ang budget sa pagkain, edukasyon, at pang-araw-araw na pangangailangan. Lumalala rin ang alitan sa bahay, at sa ilang kaso ay humahantong sa pagkakawatak-watak ng pamilya.

Sa kabataan, lalo na sa panahon ng online platforms at digitalization, mas madali na silang ma-expose sa sugal. Naku, ang simpleng curiosity ay maaaring mauwi sa maagang pagkahumaling, na mas mahirap kontrolin sa pagtanda. Ito ay nagdudulot ng panganib sa kanilang kinabukasan, dahil natututong umasa sa “swerte” imbes na sa sipag at tiyaga. Kaya mahalagang pag-usapan hindi lamang kung paano papayagan o ipagbabawal ang sugal, kundi kung paano babalansehin ang regulasyon para maiwasan ang negatibong epekto nito sa tao at sa lipunan.
***
Yesterday, August 8, marked another milestone for POLICE FILES TONITE—a publication that has remained steadfast in delivering truth, justice, and public service through fearless journalism. Its pages have long reflected the realities of our society, giving voice to the people and shedding light on the stories that matter most.

On this special occasion, I extend my heartfelt gratitude to Boss Joey and Ma’am Lenie for trusting me to be part of this respected newspaper as a columnist. It is both an honor and a responsibility I carry with pride.

May POLICE FILES TONITE continue to grow, inspire, and uphold the highest standards of journalism for many more years to come. Here’s to serving the Filipino people—then, now, and always.
***
Catch Gilbert Perdez’s “Barangay 882” radio show every Saturday from 4:00 PM to 5:00 PM. Tune in via ALIW Channel 23, DWIZ AM Radio, DWIZ 882 Facebook page, or DWIZ ON-DEMAND on YouTube. You can contact him via email at gil.playwright@gmail.com or through this number: 0991-3543676.