Petecio, Bautista, 4 na iba pa sasabak sa SEAG

MAKIKIBAHAGI sa simula ng boxing ngayong Miyerkules Disyembre 10 sa Chulalongkorn University Sports Center 4th Floor sa Bangkok sa 33rd Southeast Asian Games sina Nesthy Petecio, bronze medalist sa 2025 Summer Olympics sa Paris [60kg], at Ian Clark Bautista, gold medalist sa 2023 SEAG sa Cambodia [57kg].

Apat pang ibang Pilipinong boksingero ang makikipagkumpetensya rin sa ganap na 2 ng hapon na tampok ang 2025 Belt and Road International Boxing gold medalist na si Flint Jara [54kg], Claudine Veloso [54kg], Jay Bryan Baricuatro [48kg] at Junmilardo Ogayre [60kg].

Magsisimula muli ang aksyon sa Disyembre 12, Biyernes kasama ang muling pagbabalik ng 2020 Summer Olympics bronze medalist na si Eumir Felix Marcial [80kg] at si Marvin Tabamo [51kg].

Sa Disyembre 13, Sabado, makikipagtagisan sina Ofelia Magno [48kg] at Aira Villegas [50kg].

Ipakikita nina Riza Pasuit [57kg], Hergie Bacyadan [70kg] at Weljon “Triggerman” Mindoro [75kg] ang kanilang mga kakayahan sa Dic. 15.