‘POSIBLE’

WALANG imposible sa mundong ginagalawan higit may kalakip na pagsisikap at tiyaga na walang tinatapakang kababayan. Magaganap ang malaking pangarap mula sa unang hakbang na lakipan ng panalangin sa sanlumikha, pagsisikap na matapos ang pag-aaral sa gitna ng kahirapang kinakaharap. Walang malayong kaganapan at ‘di maisasantabi na gagawa’t gagawa ng landas ang sanlumikha upang marating ang pangarap na pagbabago sa buhay ‘di lang sa may katawan maging sa pamayanang ginagalawan. Mahiwaga ang paglalandas, nariyan na nararanasan ang matarik na landas ngunit sa likod ng pagsubok, lumalakas ang loob, natututo sa tamang gagawin at nagiging maingat sa bawat hakbang na tahakin higit sa darating na panahon. Ang landas na patungo sa pangarap na binuo sa isip na tila abot kamay sa pagliko sa kasabay ng mga taong nakatagpo at kapit kamay tungo sa pangarap na nasa harapan, posible ang pangarap.

Sa landas na tinatahak, lumalaki ang pasanin na kaakibat ng pangarap na maglingkod sa pamayanan at sa hamon ng panahon, ‘di na lang pampamayanan ang asam na paglilingkod bagkus naging pambayan at pambansa. Hindi tatalikod sa pangarap higit nang sumumpa na gagawin ang makakaya sa kagalingan ng bayan. Gagawin ang pagpapagal at ‘di masama ang makibahagi sa isang grupo na ‘di iba ang layon sa pangarap para sa bayan. Ang alyansang gagawin ay ‘di pagsuko sa malaking hamon higit ang mapadali na makamit ang ibig na ‘di pansarili. Dama na ‘di pansarili ang paglalandas sa halip nararamdaman ang giyang ‘di mawari na dapat ituloy ang pangarap dahil sa maraming tulad na pangarap. Salamat sa nakitang mga katuwang sa pangarap at nabatid na may kaakbay sa landasin sa kinabukasan.

Lumipas ang panahon, naranasan ang pag-akyat’ pagbaba sa kalagayan sa buhay na landasin sa pangarap na naging malaking layunin. Sa totoo lang, may madadaling landasin subalit likas na ‘di maiiwasan ang pagsubok na nagpapalakas sa determinasyon na makamit ang layon. Sa pakikipag-ugnayan, nasilip na makakamit ang pangarap higit ang pangmaramihan ibig, ang pag-unlad na dama ng lahat. Ang pagsapi sa malaking organisasyon na pareho ang layon ang nagpalaki ng pag-asa na magaganap ang maalwan na kinabukasan sa nakakarami. Tama ang pasya na mapasama sa malawak na organisasyon para sa katuparan ng layon para nakakarami. Ang magagawa ng nag-iisa’y mapagtatagumpayan subalit tila ‘di ganap ang tagumpay. Ang maging bahagi ng malawak na samahan, malawak na pamayanan ang ganap na ibig sa kinabukasan.

Ang pasya na makilahok sa malaking samahan ang nagdala sa maunlad na kinabukasan higit sa pamayanan na nagisnan. Ganap ang pakikilahok sa malawak na samahan, na landas na tinatahak na nagbigay ng malawak na pananaw sa buhay na may kaganapan sa hinaharap. At sa ilang panahon, nariyan ang usapin ng 28, hindi ang halalan, ang taon kung saan nagsimula ang grupo na naging isang matagumpay na “party list” kung saan uminog ang layon pangarap. Sa isang iglap sa buhay, isang matibay na “party list” na makikipagsabayan kontra sa mga tinatawag na pamilya sa politika o “political dynasty” na humahawak sa kapangyarihan sa pamahalaan. Nagsimula sa maliit ang grupong tinatanaw na matibay subalit nahinog sa panahon at ang nangungunang “party list” sa bansa sa kasalukuyan na may ngalang AKBAYAN. At sa totoo lang, hindi yumukod at ‘di nagpabaya sa kalagayan ng mamamayan at bayan ang Akbayan. Nagsumikap, nagpakatatag at patuloy na lumaban para sa kagalingan ng bayan at mamamayan. Napagtagumpayan ang hamon, at ang nangungunang “party list” sa bansa na may tatlong kinatawan sa isang pagkakataon. Bukod ang mga kasapi ng Partido na nahalal sa iba’t – ibang posisyon sa pamahalaan.

Ang usapin ng 28 taon mula sa pagsilang, maisisilip ang paglago ng kasapian ‘di lang sa mga kinatawan sa malawak na kapulungan maging ang paglago ng kasapian sa laylayan ng Lipunan. Hindi maawat ang paglago ng kasapian na ikinakakaba ng mga pamilyang nasa politika sa kadahilanang malayo pa man ang regla sa ’28 halalan, maririnig ang malakas na kalembang na lalaban sa halalan sa banggit na taon. Nariyan ang pag-iikot ng mga kasapian na nagpaparami na larawan ng lumalakas na Samahan na masasandalan ng tao sa laylayan. Ang kagalingan, ‘di bumibitaw sa laban na nasa harapan. Hindi tumiklop ang mga kinatawan sa mga kapulungan ng kongreso sa halip binibitbit ang usapin bayan tungo sa maging batas naiiral o umiiral na batas sa bansa. Salamat at may AKBAYAN at sa malawak na kapulungan higit sa mataas na kapulungan sa ngalan ng isang Sen. Risa Hontiveros.

Sa pagtakbo ng panahon, nahinog ang mga kinatawan ng Akbayan higit sa tindig sa usaping bayan na ‘di natinag ng maraming politika na tumutol sa una sa mga panukalang batas na isinusulong ngunit umayon sa pagpapaliwanag ng kinatawan. Walang duda ang kagalingan ng isang Sen. Risa Hontiveros sa pagsusulong ng batas na may pakinabang ang nakakarami na dahilan na sinang-ayunan ng nakakaraming mambabatas. Siyempre, hindi nagpapahuli ang mga kinatawan sa malawak na kapulungan na kaakbay sa marangal ang layon sa bansa at walang pagdududa na ang ibig, kabutihan ng nakakarami at ang dahilan sa pagsangayon ng nakakarami. Ang mga panukalang batas na isinusulong ng senador na si Risa Hontiveros na malaki ang pakinabang ng mga Pinoy ang tindig na inaayunan at walang personalan.

Marangal ang pinagdaanan ng taong ibig magserbisyo sa bayan at ganap na may pakinabangan sa darating na panahon. Ang paghubog na dinaanan ni Risa Hontiveros, nalinang ang mambabatas sa maayos na tindig na ‘di pansarili. Hindi nasayang ang panahon sa paghuhubog dahil sa nasilip na tindig na ginawa sa usaping nasa harap ng bayan. Ang salang paratang sa pagamit kuno sa salapi ng PHILHEALTH ay ganap na tinuldukan ng Ombudsman, walang batayan. Ganap na ibig pulaan ngunit ‘di napagtagumpayan dahil ang kagalingan ng bayan ang ipinunla sa isang Risa Hontiveros na ‘di natangay sa kinang ng salapi na gamit pansarili. Ang salang gawa’y ‘di sumanggi sa isip sa halip, ang mapanatiling malinis ang ngalan at ng grupong kinakatawan ang ‘di madudungisan higit sa serbisyong bayan. At ito’y posible higit sa taong malinis ang pagkatao at may pagmamahal sa bayan, at ito’y mula sa Akbayan – Risa Hontiveros ang ngalan.

Maraming Salamat po!!!!