Traders na sangkot sa hoarding, overpricing binalaan ni Marcos

MAHIGPIT na nagbabala si Pangulong Ferdinand Marcos Jr. laban sa hoarding at pananamantala sa presyo ng mga bilihin.

Sinabi ni PBBM na hindi ito palalampasin ng pamahalaan.

Ayon sa Pangulo, paiigtingin ang monitoring sa merkado upang mapigilan ang illegal na gawain, kabilang dito ang pagtatago ng suplay at overpricing.

Binigyang-diin ng Chief Executive na sapat ang suplay ng pagkain at langis sa bansa kaya’t walang dahilan para mag-hoard ang mga negosyante.

Tiniyak pa ng Pangulo na mahaharap sa kaukulang parusa ang mga lalabag.

Layunin aniya nitong mapanatili ang kaayusan sa merkado. (Gilbert Perdez)