Sarah Lahbati target bumili ng bahay sa Paris worth P348-M

Ni Anne Venancio

Namataan ang Kapuso actress na si Sarah Lahbati habang tumitingin ng isang mamahaling apartment sa Paris na nagkakahalaga ng humigit-kumulang P348 milyon.

Tampok ang aktres sa isang episode ng The Parisian Agency: Exclusive Properties, kung saan ipinakita ang kanyang property search sa France.

Sa naturang episode, nakipag-usap si Sarah kay host na si Valentin Kretz gamit ang wikang French. Inihayag niya na may budget siya na 5 million euros (around P349) para sa isang pied-à-terre o pansamantalang tirahan. Isa sa mga ipinakitang unit ay nagkakahalaga ng worth 4.75 million euros (P332 million) at may sukat na 165 square meters, na may apat na silid at modernong disenyo.

Ayon kay Valentin, “I decided to show her a very Parisian apartment… something very sophisticated.” Samantala, ibinahagi ni Sarah ang kanyang pangarap para sa kanyang mga anak. “Maybe one day my kids could study here,” aniya.

Bagama’t nagustuhan niya ang disenyo ng unit, napansin niyang maliit ang living room para sa kanyang pamilya. “You know how it is with Filipino families… maraming dumadalaw,” pahayag niya.

Sa pagtatapos ng tour, humiling si Sarah ng mga larawan upang maipakita sa kanyang ina at mga anak. “I’ve got a really good feeling about this apartment,” saad niya.