P292m shabu nasabat sa MICP

NASABAT ng mga awtoridad ang 43 kilo ng shabu na nagkakahalaga ng P292 milyon sa operasyon sa Manila International Container Port (MICP) sa Tondo, Lunes ng hapon, Mayo 25.
Sa pahayag ng Philippine Drug Enforcement Agency (PDEA), sinabi nito na isinagawa ang interdiction operation 3:40 ng hapon ng PDEA Regional Office – National Capital Region (RO-NCR), International Cooperation and Foreign Affairs Service (ICFAS), at Legal and Prosecution Service (LPS), sa pakikipag-ugnayan sa Bureau of Customs (BOC) Enforcement and Security Service (ESS) at Customs Anti-Illegal Drugs Task Force (CAIDTF).
Nasamsam ng mga awtoridad ang 129 pakete na naglalaman ng 43 kilo ng shabu na nagkakahalaga ng P292.4 million.
“This successful interdiction highlights the unwavering commitment of our law enforcement agencies to protect the country’s borders from the entry of illegal drugs,” sinabi ni PDEA director general Undersecretary Isagani Nerez.
Isinasagawa na ang case build-up operations at profiling activities para sa nakatakdang pagsasampa ng rek-lamo laban sa mga indibidwal na nasa likod ng smuggling ng iligal na droga sa mga border ng bansa.