Ruben Soriquez, kinabog ang mga kilalang Hollywood actors

By ARCHIE LIAO

Kinabog ng magaling at award-winning actor-director na si Ruben Soriquez ang Hollywood actors na sina Hugh Jackman at Eric Roberts nang makopo niya ang

Award of Excellence in Acting sa 22nd Accolade Global Competition na ginanap sa Estados Unidos noong nakaraang buwan.

Si Ruben ay nagwagi bilang best actor para sa pelikulang “The Mariana’s Web,” kung saan ginagampanan niya ang papel ni Fosco, isang magsasaka na nakatira sa isang rural mansion na ang simpleng pamumuhay ay nabulabog nang makilala niya ang isang misteryosang babaeng nagngangalang Mariana online.

Wagi rin ng special mention ang Italian director na si Marco Calvise ng naturang erotic sci-fi thriller ( Milonga, Non Temere, La Pioggia Che Non Cade) sa nasabing prestihiyosong filmfest.

“I’m happy and proud for the acting award. It gives me some kind of validation for a role that I’ve worked so hard,” ani Ruben.

Masaya ring ibinalita ni Direk Ruben na available na iba’t-ibang online streaming platforms ang nabanggit na award-winning film.

Si Ruben ay bahagi rin ng cast ng toprating TV series na “A Secret in Prague” kung saan binibigyang-buhay niya ang papel ni Viktor Valtrovi na ama ni Kiara.(Andrea Brillantes)

“Am glad to be reunited with Enrique, who’s one of the producers of the series.We really had a great time catching up since “Dolce Amore,” bulalas niya.

Bukod kay Enrique, puring-puri rin niya ang co-star na si Andrea Brillantes.

“She’s such a talented actress.She’s very professional.She always come to the set prepared.She’s also collaborative,” pahayag niya.

Bukod sa pagiging aktor , isa ring singer-composer si Ruben.

Kamakailan lang ay ini-release na ang kanyang bagong album na “Sin Preguntas Sin Mas” sa digital stores.

“It’s a compilation of twelve songs, 5 Spanish, 5 Italian and 2 instrumentals. It also features my single “Toda La Noche” that would remind you of the pop music of the ’70s and ’90s,” pagtatapos niya.

Si Ruben ay nagwagi bilang best actor sa World Premieres Film Festival noong 2015 para sa pelikulang “Of Sinners and Saints.”

Nanalo rin siya ng international acting awards para sa nabanggit na obra bilang best actor sa 2015 World Film Awards sa Indonesia, International Independent Film Awards at Honolulu Film Awards sa Estados Unidos noong 2016, Indian World Film Festival sa India, Los Angeles Independent Film Festival Awards sa Estados Unidos noong 2017.

Taong 2019 naman ng makopo ng kanyang dark comedy feature na “The Spider’s Web” ang best feature film at best ensemble acting awards sa Olympus Film Festival sa US at best director award sa International Independent Film Awards.

Tinanghal din siya bilang best director sa Asia Pacific International Filmmaker Festival and Awards noong 2020 para sa “The Spider’s Web” at Global India International Film Festival sa India noong 2022 para sa “Of Sinners and Saints.”

Si Soriquez ay napamahal sa mga Pinoy nang gampanan niya ang papel ng padrasto ni Liza Soberano sa seryeng “Dolce Amore”.