Alden Richards mas mahal ang trabaho kaysa babae

By Anne Venancio

Mas pinipili ngayon ni Alden Richards na pagtuunan ng pansin ang kanyang career kaysa pumasok sa isang bagong relasyon.

Sa vlog interview ni Karen Davila, inamin ng Kapuso actor na nananatili siyang single. Sinubukan niya namang magkaroon ng genuine connection sa ilang babae, ngunit hindi ito nauuwi sa seryosong relasyon.

Aniya, mas mahal niya ang kanyang trabaho at paggawa ng de-kalidad na proyekto.

“Maybe unconsciously… I am so in love with this. I am so in love working with people, and discovering new things about myself,” aniya.
Dagdag pa nito, “I just want to move forward and create beautiful projects, beautiful things out of the opportunities coming my way,” dagdag niya.

Samantala, mapapanood si Alden sa romantic-comedy series na Love, Siargao, kung saan unang beses niyang makakatambal si Nadine Lustre.

Kabilang din siya sa cast ng upcoming GMA medical drama na Code Grey kasama sina Christopher de Leon, Romnick Sarmenta, Andrea Torres, Faith Da Silva, Allen Ansay, Shuvee Etrata, Joross Gamboa, Christian Bautista, Kristoffer Martin, at Jon Lucas.