PH lalahok sa Asian Youth and Junior Weightlifting Championships

MAGPAPADALA ang Pilipnas ng 13 atleta sa Asian Youth and Junior Weightlifting Championship sa Agosto 7-14 sa Tashkent, Uzbekistan.

Ang kampanya ng bansa ay pamumunuan ni Alberto Delos Santos ng Zamboanga City,na sasabak sa Youth 70kg category.

Nakamit niya ang 71kg title at nagtakda ng bagong record sa clean and jerk sa IWF World Junior Championships sa Ismailia, Egypt nakaraang Mayo.

Kasama rin sa Uzbekistan trip sina Zamboangueños Althea Bacaro (W45kg, Youth), Alexsandra Ann Diaz (W49, Youth and Junior), Angeline Colonia (W49, Junior), Jhodie Peralta (W53, Youth and Junior), Rosalinda Faustino (W57, Junior), M55 Jay-r Colonia (M55, Youth), Kirby Kent Alas-as (M60, Youth) at Mango Prince David Tarro (M65, Junior).

Kabilang sa roster sina Jea Mae Palagtiw (W69, Youth), Rhianne Cabalida (W77, Youth) ng Cebu City; at Jerick Icon Castro (M60, Youth) at Prince Keil Delos Santos (M60, Junior) ng Angono, Rizal.

Sa coaching staff sina Gregorio Colonia, Patrick Cielo Lee, Allen Jayfrus Diaz, Diwa Delos Santos at Kelle Kay Rojas.

Samahang Weightlifting ng Pilipinas president Monico Puentevella ang magsilbing head of delegation na nakatakdang umalis sa Agosto 3.

Nakaraang Linggo, ang Pilipinas ay nagwagi ng 16 medalya sa International Weightlifting Federation (IWF) World Youth Championships sa Cali, Colombia.

Ang medalist ay sina Diaz (3 golds), Colonia (1 gold, 2 silvers), Peralta (2 silvers), Palagtiw (2 silvers), Bacaro (1 silver, 1 bronze), Cabalida (2 silvers, 1 bronze).