Dagdag na pondo sa impeachment trial, posible talakayin sa 2027 budget

POSIBLENG maglaan ng karagdagang pondo sa impeachment trial kung aabutin pa ito sa taong 2027.

Sinabi ni Sen. Ping Lacson, sa kasalukuyang takbo ng paglilitis sa impeachment case ni Vice President Sara Duterte ay maaaring umabot sa unang bahagi ng 2027 ang impeachment trial.

Sinabi ni Lacson na kung umabot pa hanggang sa susunod na taon ang paglilitis ay maaari nilang talakayin sa deliberasyon ng 2027 national budget ang dagdag na pondo para rito.

Sa ganitong paraan ay makapaglalaan sila ng pondo para sa tuloy-tuloy na impeachment trial kung lalagpas pa ito sa susunod na taon.