INABANDONANG 35.6 TONS NA ”FORFEITED GOODS” ITINAPON NG BOC-PORT OF NAIA

HUMIGIT-KUMULANG 35.6 toneladang abandoned at forfeited goods na nagkakahalaga ng P1.45 milyon ang itinapon ng Bureau of Customs sa Port of NAIA, sa Clean Leaf International Corporation, Brgy. Cutcut, Capas, Tarlac noong Agosto 12–18, 2026, at Agosto 20, 2026.

Ang mga inabandonang kalakal na binubuo ng 340 Air Waybills (AWBs), na nagmula sa iba’t ibang bansa, ay binubuo ng mga vape products, dysfunctional equipment, foodstuffs, pharmaceutical products, cosmetics, at iba pang general merchandise.

Ang mga kalakal ay isinailalim sa pagkondena dahil sa mga paglabag sa Republic Act No. 11900 at Republic Act No. 10863, kabilang sa mga naaangkop na batas at regulasyon ng customs.

Binigyang-diin ni District Collector Atty. Maria Yasmin M. Obillos-Mapa na ang pagkondena ay sumasalamin sa pangako ng Port of NAIA na tiyaking ang mga inabandona at nakumpiskang kalakal ay itinatapon alinsunod sa itinatag na mga pamamaraan ng customs at mga naaangkop na batas. (JOJO SADIWA)