PATULOY ANG PAGMAHAL NG BILIHIN

Malungkot ang tao sa laylayan sa ‘di madamang pagmamahal mula sa pangulo ng bansa sa hindi pagkilos na maawat na pagtaas ng presyo ng gasolina at mga nakataling bilihing na kunsumo sa araw araw na buhay. Hirap sa buhay si Aling Juana sa ‘di mapagkasyang sahod ng asawa na kasing liit ni Dagul na sadyang kapos sa taas ng presyo ng bilihin. Sa pagsilip sa bitbit na nabili ni Aling Juana sa isang talipapa, isang bugkos ng kangkong na aadobohin at ilang pirasong tuyo na aamuyin ang pagkunsumo ng may maulam sa kinabukasan. Hindi makatutol ang asawa ni Aling Juana sa kakarampot na bitbit sa kabatiran ng kamahalan ng bilihin. Sa liit ng sahod na naiuuwi, ang kawalan ng pamasahe sa kinabukasan ang karaniwang dahilan sa pagliban na higit na nagpapaliit sa sahod na kakarampot. Hindi nais lumiban sa pinapasukang trabaho, subalit sa mahal ng pamasahe ang umekstra sa ilang trabaho sa kapit bahay ang gawa kahit maliit ang naiuuwi ‘di bawas sa kawalan ng tustusin dahil libre ang engka o chicha at alang pamasahe.

Ngayon, nagkalukot-lukot ang mukha ni Aling Juana sa pambubuska ni Pasensiya sa paniningil sa mga pangakong napako ng kandidatong bitbit ng una sa nakaraang halalan sa panguluhan. At sa muling pagtaas ng presyo ng gasolina na nagpatigil sa asawa ni Pasensiya na mag-viaje sa kawalan ng krudo ng sasakyang pinapasada. Buskahan ang kinahantungan higit walang mainit na kapeng 3 &1 sa kawalan ng gas sa kalan na sasalangan. Sa buskahan, nagkapikunan ang mga magkakapit-bahay na nauwi sa murahan at pagkakagalit. Ganap ang inis ni Aling Juana sa pamahalaan dahil sa una nabitbit ang hinahangaang kandidatong nanalo subalit na napako ang pangakong maalwan na buhay na taliwas sa kasalukuyang kaganapan. Ang masakit, maging ang ale’y dama ang hirap ng buhay. Lumalalim ang sama ng loob ni Aling Juana kay PBBM sa patuloy na ‘di natupad na pangako na makakamit ang presyong abot kaya ng tao sa laylayan.

Hindi maitago ang pagkadismaya ni Aling Juana sa mahal ng bilihin at sa pag-iyak ng mga anak sa ‘di sapat ang makain. Hindi usapin ang sustansiya ng kinakain dahil ang mahalaga’y maitawid ang maghapon na may lalamanin ang tiyan kumakalam. Sagad sa trabaho ang mag-asawa ganun pa man ‘di magkasya ang naiuuwing salapi dahil sa mahal ng bilihin na ‘di dama ng tao sa puno ng Balite ng Malacanan sa laki ng pantustos na pasan ni Aling Juana. Ang patuloy na pagsulong ng presyo ng mga bilihin ang pasanin na ‘di masilip ng inidolong kandidatong sa nakaraang halalan na dahilan ng lungkot na dala. Labis ang hirap na kinahaharap ni Aling Juana na ang pagluha ang sagot sa iyak ng anak na ‘di maibsan ang kagutuman. Sa totoo lang, ang pag-iyak ng bata ang paraan na paglalahad ng kagutuman na ‘di silip ng tao sa Malacanan. Abutin ang maraming tulad ni Aling Juana na ini-iyak ang kagutuman.

Sa dinaranas na kagutuman, ‘di magkamayaw ang ale sa pasasalamat sa Sanlumikha sa palad na ‘di nagkakasakit at ang mga mahal sa buhay. Ganap ang pagmamahal ng Sanlumikha sa mga tulad ni Aling Juana na ‘di sinasagot ng pamahalaan ang kawalan ng maisusubo ang ‘di magkasakit o magkaroon ng karamdaman ay ganap na biyaya mula sa Sanlumikha at ‘di sa taong dinala sa nakaraang halalan. Pagkadismaya ang nararamdaman ni Aling Juana sa pangulo sa ‘di pagtupad sa mga banggit sa nakaraan na tila inusal sa hangin ngunit pinaniwalaan. Ang paglimot sa kagalingan ng nakakarami ang ‘di ibig sa pangulo na sa pangako sa nakaraan.

Mabigat ang pasanin ng bayan at ni Aling Juana na patuloy na nagtitiis sa mataas na presyo ng mga bilihin na ‘di alintana ng opisyal sa pamahalaan. Walang galaw ang pamahalaan na ibsan ang presyo ng bilihin higit ng gasolina. Hindi ibig ng mga nakaupo sa pamahalaan ang pansamantalang pagpapatigil ng VAT upang mapababa ang presyo ng banggit na produkto. Sadyang walang puso ang opisyal ng pamahalaan sa tao sa laylayan na pumapasan sa mataas na bilihin. Ang masakit, ‘di maibigay kahit pansamantala ang hiling, alisin ang VAT sa gasolina. Sa kabilang banda, itulak ang isang makataong pagtaas ng sahod ng mga obrero na lubhang lugmok ang kabuhayan. Sa totoo lang, ang bansa ang isa sa may pinakamataas na presyo ng bilihin sa Asya Pasipiko na ‘di sinasalag ng pamahalaan at ang pikit matang gawi ng namumuno . Sa kabilang banda, masasabing sala ang makilahok ang pamahalaan sa usapin ng Negosyo subalit tuwiran ang epekto ng mataas na bilihin sa mga tao na paghuhugutan ng dahilan sa pakikilahok ng pamahalaan sa usapin.

Ang kawalan malasakit sa bahagi ng pamahalaan higit sa pangulo ang punyal na kumikitil sa pag-asa ng bayan na makakamtan ang mababang presyo ng mga bilihin. Ang kawalang malasakit sa tao sa laylayan ang patuloy na kaganapan sa pamahalaan na ‘di inaasahan sa pangulo. Nagsalin at salin ang liderato sa bansa ngunit kakaiba ang kasalukuyang pangulo na nagagawang ipagmalaki ang nakakalulang pondo na trilyon trilyon ang halaga ngunit ‘di maibigay hanap sa bayan ang hiling, abot kayang presyo ng bilihin. Sa dami ng proyektong ibig bakit ‘di maibigay ang malapit sa bibig ng tao sa laylayan, ang mababang presyo ng mga bilihin. Muli, ang mataas na halaga ng gasolina maibaba pansamantala sa pagpapahinto ng VAT sa tanikalang produkto. Ang mababang presyo ng gasolina’y tuwirang ayuda sa tao sa laylayan sa tulad ni Aling Juana na tuwirang naniwala sa pangulo sa panahon ng nakaraang halalan. Ang maibsan ang hirap ng kalagayan ni Aling Juana at mga katulad na ina ang serbisyong hanap sa pangulong ipinaglaban sa nakaraan.

Ang patuloy na mataas na presyo ng mga bilihin ang patalim na pumapatay sa kabuhayan ng tao sa laylayan na sumuporta sa pangulo sa nakaraan. Ang ipadama ang pagmamahal sa tao sa laylayan ang serbisyong inaasahan higit sa muling pagbibigy ng pagkakataon na ibangon ang puri sa nakaraan. Payak ang asam ni Aling Juana at ng mga katulad na ina, ang matigil ang patuloy na pagmahal ng presyo ng mga bilihin. Mahal na pangulo, inaasahang kikilos ang pamahalaan ang iyong liderato ng makamit ni Aling Juana at ng ibang ina, ang presyong abot kaya.

Maraming salamat po!!!!