Horseracing aprub na sa IATF sa MECQ areas

APRUBADO na ang mga horse-racing activity sa mga lugar na nasa Modified Enhanced Community Quarantine (MECQ).
Ayon kay Presidential Spokesman Harry Roque, pinayagan na muli ng Inter-Agency Task Force (IATF) for the Management of Emerging Infectious Diseases ang karera ng mga kabayo na muling mag-operate.
Paalala naman ni Presidential Spokesman Harry Roque, bawal pa ang audience sa mga venue ng karera.
“The IATF approved the conduct of horse-racing activities in areas under MECQ under a no-audience set up,” ani Roque nitong Biyernes, Mayo 7.
Nilinaw pa nito na ang mga online at TeleBet activity sa mga National Capital Region Plus area lamang ang puwedeng mag-operate.
Bunsod na rin sa kadahilanang puwede lamang magbukas ang mga off-tracking betting station sa mga lugar na nasa general community quarantine (GCQ) at modified GCQ. (Josephine Patricio)