DOJ KINUMPIRMA ANG ‘ASSASSINATION PLOT’ VS BBM

KINUMPIRMA ni Justice Secretary Menardo Guevarra na nakatanggap ang Office of the Cybercrime (OCC) ng online tip hinggil sa planong pagpatay kay presidential aspirant Ferdinand Bongbong Marcos Jr.

Ayon kay Guevarra, kasalukuyang bineberipika ng ahensya ang naturang impormasyon.

Aniya, inatasan niya ang National Bureau of Investigation (NBI) na mag-imbestiga habang hiniling na ng OCC sa Tiktok Law Enforcement Outreach Trust and Safety na ma-preserve ang account ng suspek.

Magugunitang may lumabas na Tiktok post na nagsasabing “We are meeting everyday to plan for BBM’s assasination. Get ready.

“The NBI will give priority attention to any validated information pertaining to a threat to the personal security of any presidential aspirant,” ani Guevarra.

Sa mga presidentiables ng 2022 elections ay tanging si Marcos lamang ang nakatanggap ng pagbabanta. (Jonah Mallari)