Petecio, sasabak sa Thailand Open

PANGUNGUNAHAN ni Tokyo Olympics silver medalist Nesthy Petecio ang pitong-miyembro ng women’s team sa prestihiyoso na Thailand Open International Boxing Tournament na nakatakda simula April 1 to 10 sa Phukit.

Petecio, na gold medalist sa 2019 Southeast Asian (SEA) Games, ay hindi depensahan ang featherweight title na napanalunan sa 2019 Thailand Open dahil sasabak siya sa lightweight event.

Ang iba pang miyembro ng team ay sina, Josie Gabuco (lightweight),Irish Magno at Aira Villegas ( flyweight),Riza Pasuit ( featherweight), Maricel Dela Torre(lightweight) at Hergie Bacyadan ( middleweight).

Si Gabuco ay nagwagi ng gold,Magno at Pasuit nagbulsa ng silver at Villegas nag-uwi ng bronze medal sa 2019 Manila SEA Games.

Ang national team ay kasama sa March 23 to 30 training camp para sa mga lalahok sa Thailand Open, na itinuturing na isa sa best boxing tournament sa mundo.

Ang Thailand open ay mag silbing tuneup tournament para sa Filipina boxers na sasabak sa International Boxing Association Women’s Championship at SEA Games sa Mayo at Asian Games sa September.

Sinabi ni Association of Boxing Alliance in the Philippines women’s head coach Reynaldo Galido ang team ay sabik nang sumali sa Thailand Open.

“Malaking bagay talaga sa amin ang maka-join kami sa Thailand Open. Ito lang kasi ang tune-up tournament natin bago ang Vietnam SEA Games “ Wika ni Galido, na gold winner sa 1994 Asian Games. Nagsilbi siyang flag-bearer ng Philippine delegation sa 1996 Atlanta Olympics.

Galido also noted the training camp, which he said will benefit his athletes.

Maliban kay Galido, iba pang coaches na kasama sa Thailand trip ay sina Mitchell Martinez at Jogen Ladon.