KD bet nang dyowain si Alexa

Ni ARCHIE LIAO

SA Cinema News, nakapanayam ni Bianca Gonzalez ang dating PBB housemate na si KD Estrada at napag-usapan nila kung paano nabuo ang friendship ng singer kay Alexa Ilacad.
Pagbabalik-tanaw niya, noong una raw ay Ate ang tawag niya kay Alexa.
Si Alexa rin daw ang nag-console sa kanya noong panahong binasted siya ng co-housemate na si Anji Salvation.
Naging malapit din daw sila dahil pareho silang may pinagdadaanang mental health issues noon.
Doon na raw nagsimula na tawagin niyang “sweetie” o “baby” ang Kapamilya actress.
Nakita rin daw niya na hindi lang kapatid ang turing sa kanya ni Alexa.
“When we got evicted. Sabay kami na-evict. Looking back, parang I just realized na Alexa was the only one who did not nominate me. She was always there for me, never backstabbed me, never talked behind my back and stuff,” kuwento niya.
“She always cared even if she was tired. She never was tired for me. I just realized that this woman is just amazing. She’s the best and she deserves the best,” dugtong niya.
Mas malalim na rin daw ang friendship nila ni Alexa kesa dati.
“I just wanted to make her happy din. Pero at least she felt the same way. She doesn’t see me as a brother,” paliwanag niya.
Hindi rin daw isyu kung mas matanda sa kanya ng dalawang taon si Alexa.
Pagkatapos nilang ma-evict, nabuo ang tambalang KDLex.
Kung papansinin mo ang aura ni KD lalo na sa latest appearance nila sa ASAP obvious na inspired ang singer-actor kay Alexa.
Hirit tuloy ng kibitzers, na-develop na raw ito kay Alexa at bet nang dyowain ang dalaga.
After their successful “KDLex: The Fancon” , mapapanood na ang bagong loveteam sa seryeng Run To You.