Barbie Forteza may nilinaw tungkol sa kanyang viral wedding photos

By Anne Venancio

Nagbigay-linaw si Barbie Forteza sa nag-viral na wedding-themed photos na ibinahagi niya sa social media. Ayon sa aktres, ang mga larawan ay bahagi ng wedding scenes ng kanyang upcoming film na Saving Cherry.

Sa showbiz report ni Nelson Canlas sa 24 Oras, inihayag na si Khalil Ramos ang gaganap bilang groom ni Barbie sa pelikula. Nilinaw rin ng Kapuso actress na may mahalagang papel ang wedding scenes sa kabuuang kuwento ng pelikula.

“Mukha lang immaculate ‘yung photos na pinost ko pero it’s going to be a wild movie. Abangan n’yo po ‘yan,” pahayag ni Barbie.

Dahil sa kanyang pahayag, lalo pang naging usap-usapan ang Saving Cherry, na inaasahang maghahatid ng kakaibang kuwento sa mga manonood.

Samantala, abala rin si Barbie sa paggawa ng Honor Thy Mother, ang collaboration series ng GMA at ABS-CBN. Makakasama niya rito ang Mega Star na si Sharon Cuneta, na matagal na niyang hinahangaan.

Muli ring makakatambal ni Barbie si Khalil Ramos sa naturang serye, kasunod ng kanilang pagsasama sa Saving Cherry. Sa kasalukuyan, wala pang inaanunsyong opisyal na petsa ng pagpapalabas ng pelikula at ng nasabing serye.