2 OFWs natagpuang patay sa Dubai

NATAGPUANG patay ang dalawang overseas Filipino workers (OFWs) sa Dubai, United Arab Emirates (UAE) noong Hulyo 27.

Isa sa mga namatay may sugat sa leeg.

Sinabi ni Consul General Marford Angeles, spokesperson ng Philippine Embassy, na nakikipagkoordinasyon na ang Philippine Consulate General sa Dubai Police para mabigyan ng hustisya ang sinapit ng mga biktima.

Wala pang malinaw na detalye tungkol sa pagkamatay ng dalawang biktima.

“The Philippine Embassy in Abu Dhabi conveys its deep condolences to the family of two overseas Filipinos found lifeless in Dubai last week and sends its assurance that we will ensure that justice would be served,” pahayag ni Angeles sa isang statement.

Nakipagkoordinasyon na ang embahada sa Philippine Consulate General sa Dubai para sa imbestigasyon.