CONG. DUTERTE AYAW MAMILI KUNG SINO ANG SUSUPORTAHAN SA GULO SA SPEAKERSHIP!

DUMISTANSIYA si Presidential Son at Deputy Speaker Paolo Duterte sa iringan sa speakership row at sinabing ayaw mamili kung sino kina House Speaker Alan Cayetano at Marinduque Rep. Lord Allan Velasco ang mas karapat-dapat sa house leadership.
Naniniwala umano si Rep. Duterte na karapatan ni Velasco na igiit ang kanyang claim sa speakership post alinsunod sa term-sharing pero marami pa rin ang sumusuporta kay Cayetano.
“I am saddened that it has come to this- a House divided, we will fail in our mandate to serve the people as their representatives,” ani Duterte.
Duda si Rep. Duterte na kung manatiling hati ang Kamara ay hindi nila magagampanan ang kanilang mandato na pagserbisyuhan ang publiko bilang halal na kinatawan ng taumbayan.
Payo nito sa kapwa kongresista na bumoto ng hindi base lamang sa convenience o affiliation o iyong may dignidad at karapat-dapat sa house leadership.
Umaasa rin si Rep. Duterte na maisasantabi rin ang pulitika at mananaig ang pagkakaisa ng bawat miyembro sa Kamara. (Josephine Patricio)