‘Titser’ na sinibak sa korapsyon ex-bgy. official pala

LUMANTAD ang isa sa mga tinukoy ni Pangulong Rodrigo Duterte na guro na sinibak sa tungkulin dahil umano sa kurap-syon sa Iloilo City.
Ayon kay Janet Champlon ng Barangay Lanag, Sta. Barbara, Iloilo, nilinaw nito na hindi siya guro kundi dating barangay treasurer.
Ayon kay Champlon, sinampahan siya ng kasong ‘grave misconduct at serious dishonesty’ ni Punong Barangay Hermenegilda Jaranilla noong 2016 at naglabas ng desisyon ang Office of the Ombudsman kung saan kinatigan ang reklamo ng opisyal.
Anya, nagdulot ng sobrang kahihiyan ang pagbanggit ng pangulo sa kanyang pangalan sa public address nito.
Sa ngayon may pending pa na kasong ‘falsification of public document’ si Champlon.