Pahayag ni VP Leni na pagtakbo sa local position ok sa Palasyo

IKINATUWA ng Malakanyang ang pahayag ni Vice President Leni Robredo na mas interesado siyang tumakbo sa lokal na posisyon kaysa tumakbong presidente ng bansa sa 2022 presidential elections.
Ayon kay Presidential Spokesman Harry Roque, maaring nakita na ngayon ni Robredo na wala na siyang pag-asa na maging pangulo ng bansa.
Na turn-off na kasi aniya ang taong bayan dahil sa maagang pamumulitika ni Robredo.
“Well, siguro po ngayon na lang niya nakita na wala na siyang pag-asa, kasi nga po sa kaniyang maagang pamumulitika, na-turn off ang taumbayan. So, good for her!” pahayag ni Roque.
Sinabi pa ni Roque, ikinadidismaya ng Malakanyang na lahat na lamang ng programa ng administrasyon ay kinokontra ni Robredo lalo na ang pagtugon sa pandemya sa covid-19. (Vanz Fernandez)