2 timbog sa droga sa Tondo

KALABOSO ang dalawang lalaki nang masakote sa iligal na droga sa Tondo, Maynila.

Kinilala ang mga nadakip na sina Kevin Manalang, residente ng Malabon; at Mark Israel, residente ng Tondo; kapwa construction workers.

Nahuli ang dalawa ng mga operatiba ng Manila Police District (MPD) Station 7 sa may bahagi ng Rail Road Track sa Pilar Street, Barangay 199.

Nakuha sa mga mga ito ang tatlong malalaki at apat na maliliit na sachet ng shabu na may bigat na halos 50-gramo at nagkakahalaga ng P340,000.

Inaalam pa ng mga otorodad kung sino ang source ng dalawa ng iligal na droga at kung saan lugar nila ito nabibili.(Jocelyn Domenden)