Face-to-face classes posible sa Pebrero – DepEd

INIREKOMENDA ng Department of Education (DepEd) ang progresibong expansion ng face-to-face classes sa mga lugar na nasa alert level 1 at 2.

Ayon kay DepEd Secretary Leonor Briones, ang expansion ng face-to-face classes ay magsisimula sa unang linggo ng Pebrero.

Nilinaw ni Briones na kanilang ikokonsidera ang anumang payo ng Department of Health, local government units at maging ang Department of Justice.

Inirekomenda ng kalihim na tanging mga bakunadong guro at non-teaching personnel ang papayagan na makibahagi sa face-to-face classes.

Mas maigi aniya na pawang bakunadong mag-aaral din ang lumahok sa limited face-to-face classes.