176 balota ‘missing’ sa Isabela

Hindi bababa sa 176 na balota ang nawala kaya napilitan ang electoral board na magpulong at ipadala sa apat na kalapit na barangay ang mga hindi naka-accommodate na rehistradong botante sa Barangay Rang-ayan, Isabela.

Sinabi ng abogadong si Michael Camangeg, Isabela provincial election supervisor, na inilapat ng electoral board ang Commission on Elections Resolution No. 10759, na nagtatalaga ng protocol sa mga ganitong kaso ng nawawalang mga balota.

“We identified nearby barangays with still available ballots and we asked the unaccommodated registered voters within the 7 p.m. period in Rang-ayan to proceed to the identified nearby barangays and vote there,” wika ni Camangeg.

Sinabi pa ni Camangeg na ang mga balota na ginamit ng mga taga-Rang-ayan, isasama sa mga kahon ng mga barangay kung saan sila bumoto, hindi sa Rang-ayan.