Libreng sakay sa MRT-3 extended hanggang June 30
Advertisers
PINALAWIG pa ng Department of Transportation (DOTr) ang libreng sakay sa Metro Rail Transit (MRT) line-3.
Ayon sa DOTr, maaaring i-avail ng mga pasahero ang Free Ride Program hanggang sa Hunyo 30, mula 4:40 ng umaga hanggang 10:10 ng gabi.
Sinabi ni Transportation Secreary Arthur Tugade, napagdesisyunan nilang i-extend ang nasabing programa upang mas maraming mananakay ang makinabang at matulungan nito.
Unang ipinatupad ang libreng sakay sa MRT-3 noong March 28, 2022 hanggang April 30, 2022, at pinalawig hanggang May 30, 2022, upang makatulong sa publiko sa epekto ng mataas na presyo ng produktong petrolyo at bilihin, at bilang selebrasyon na rin sa nakumpletong rehabilitasyon ng tren.