BGY. KAGAWAD BINARIL HABANG TULOG!

PATAY agad ang isang kagawad ng barangay nang pagbabarilin sa Barangay Obongan-Diot, Baleno, Masbate, Lunes ng hapon.

Kinilala ang biktima na si Romnick Drio, 33 anyos.

Sa ulat ng Baleno Municipal Police Station, natutulog ang biktima sa loob ng compound ng kanilang bahay nang lapitan ng dalawang lalaki at pinagbabaril sa iba’t ibang bahagi ng katawan.

Mga basyo ng kalibre .45, 7.62mm, at 5.56mm na baril ang mga narekober ng pulisya sa pinangyarihan ng insidente.

Patuloy pang nagsasagawa ng imbestigasyon ag pulisya sa krimen.