Ronnie nadismaya nang alukin ng porn movie

Ni ROMMEL PLACENTE

SA 5th EDDYS ng Society of Philippine Entertainment Editors (SPEED), na gaganapin sa Metropolitan Theater sa November 27, pararangalan sina Tito at Vic Sotto, Joey de Leon, Phillip Salvador, Roi Vinzon, Helen Gamboa, Divina Valencia, Elizabeth Oropesa, Sharon Cuneta, at Alma Moreno, bilang Icons ng Pelikulang Pilipino.
Magsisilbing host ng programa ang King of Talk na si Boy Abunda, at sa direksiyon ni Ice Seguerra.
Ang mga nominado sa kategoryang BEST ACTRESS ay sina Janine Gutierrez (Dito at Doon), Kim Molina (Ang Babaeng Walang Pakiramdam), Maja Salvador (Arisaka), Charo Santos (Kun Maupay Man It Panahon), at Alessandra de Rossi (My Amanda).
Ang mga nominadong Best Actor ay sina John Arcilla (On The Job: The Missing 8), Christian Bables (Big Night), Dingdong Dantes (A Hard Day), Daniel Padilla (Kun Maupay Man It Panahon), at Piolo Pascual (My Amanda).
Ang mga nominadong Best Supporting Actress ay sina Janice de Belen (Big Night), Lotlot de Leon (On The Job: The Missing 8), Eugene Domingo (Big Night), Elizabeth Oropesa (Huwag Kang Lalabas), at Rans Rifol (Kun Maupay Man It Panahon).
Ang mga nominadong Best Supporting Actor ay sina John Arcilla (Big Night), Mon Confiado (Arisaka), Christopher de Leon (The Missing 8), Ricky Davao (Big Night), at Dennis Trillo (On The Job: The Missing 8).
Well, sinu-sino kaya ang mag-uuwi ng tropeo sa gabi ng parangal ng EDDYS?
***
MAY natanggap na offer ang singer-actor na si Ronnie Liang para gumawa ng porn movie.
Pero ikinadismaya niya ito. Sa Facebook post niya noong Huwebes, sinabi niya na hindi siya nag-aral ng kolehiyo at masteral degree para lamang iladlad ang pribadong bahagi ng kanyang katawan sa publiko.
FB post ni Ronnie, “I got pissed off and disappointed. I was offered and urged to do PORN movies… Thanks, but NO thanks po.
“I did not sacrifice and study hard all these years only to show my private parts in public—Nakakahiya.”
“Without trying to brag, I am already an Army Reservist Officer, a pilot, a Master’s degree holder, a Brand Ambassador of some companies, and other government agencies.
“Madami pa po ako pwedeng gawin at pag ginawa ko yan madaming mawawala sa akin.
“Most importantly, please understand that I am a Christian and a follower of Christ. Whatever I have achieved and everything I do is for the honor and glory of God.
“I am not perfect, super rich, or super famous, but to me, fame and money are only temporary. Self-respect and the respect of my colleagues in and out of showbiz are forever more vital to me.
“Okay lang naman po kung wala akong movie or project. Sa iba nyo na lang po ibigay ang lead role na yan.
“Hanggang ganito lang po ang pwede ko ipakita.”