AMBUSH! 6 patay, karamihan CAFGU, sa pananambang sa Cotabato

ANIM katao ang nasawi, karamihan miyembro ng Citizen Armed Force Geographical Unit (CAFGU), sa pananambang sa Aleosan, Cotabato nitong Biyernes ng hapon.

Ang pananambang ay naganap bandang 3:00 ng hapon sa may boundary ng Barangay Baulan at Barangay Tapudok, Aleosan, na napaloob sa special geographic area ng Bangsamoro region.

Sa inisyal na imbestigasyon ng pulisya, “rido” ng dalawang pamilya, Montasir at Wakan, na matagal nang may alitan ang motibo ng krimen.

Kasalukuyan pang nagsasagawa ng imbestigasyon ang pulisya sa krimen.

Nagsasagawa narin ng pursuit operation ang militar laban sa mga salarin.