“RAINWATER HARVESTING SOLUSYON SA KAKAPUSAN NG TUBIG, SOLUSYON PA SA BAHA” — REVILLA

PINANGUNAHAN ni Sen. Ramon Bong Revilla Jr. ang delibirasyon hinggil sa panukala patungkol sa rainwater harvesting at konsiderasyon ng local bills para sa District Engineering Office (DEos).

Sinabi ni Revilla na ang rain water harvesting ay malaking solusyon sa kakapusan ng tubig at solusyon din upang maibsan ang paulit-ulit na pagbaha sa maraming bahagi ng bansa.

Tinalakay din ni Revilla ang kahalagahan ng District Engineering Offices (DEOs) sa iba’t-ibang lokalidad dahil sa mas malapit umano, mas mabilis at mas mura. Sa pamamagitan ng mga panukalang ito ay itinutulay umano ang estado sa ating mga mamamayan.

Dumalo sa naturang pagdinig ang ilang taga House of Representatives sa pangunguna ng Chairperson of the Committee on Public Works, Congressman Romeo Momo, kasama ang kanyang Vice-Chair na si Cavite First District Cong. Jolo Revilla. (CESAR MORALES)