Granada sumabog sa chapel sa CDO

SUMABOG ang isang vintage smoke grenade sa isang chapel sa Barangay Puntod, Cagayan de Oro.

Sa ulat, aksidenteng natagpuan ang granada ng isang construction worker na si Nicolas Tanggan habang nagtatrabaho sa sahig ng kapilya.

Hindi agad napansin ni Tanggan na isa itong granada kaya itinapon niya ito at sumabog.

Nagpahayag ng pangamba ang mga residente sa lugar sa kanilang kaligtasan matapos ang insidente.

Kinuha ng Explosives Ordnance Division (EOD) ang granada.