4 Filipino boxers swak sa 2nd round ng Olympic qualifiers

APAT na Olympic Filipino boxers ang umusad sa second round ng kanilang divisions sa Olympic qualifying tournament sa Busto Arsizio, Italy.

Ang tournament na nagsimula noong Marso 3, kung saan pinatumba ni Olympic silver medalist Nesthy Petecio si Andela Brankovic ng Serbia sa 57 kilogram division at lupigin ni Asian Games medalist Rogen Ladon si Federico Emilio Serra ng Italy via split decision sa 51 kg division.

Nitong Martes, nagwagi rin sina Mark Ashley Fajardo at Ronald Chavez Jr. sa kanilang unang laban, kontra Alberto Monteiro ng Portugal (via knock-out) at Bruno de Barros Fernandez ng Cape Verde (via split decision) ayon sa pagkakasunod.

Lahat sila ay inaasahang sasabak sa ibang preliminary match.

Petecio at kapwa Olympic medalist Carlo Paalam ay kasalukuyang kalahok sa qualifiers para sa parating na Olympics. na gaganapin sa Paris,France ngayong taon.

Isang Filipino boxers palang ang tiyak na pasok sa Games, si Eumir Marcial, sa pamamagitan ng kanyang silver medal sa 19th Asian Games sa Hangzhou, China nakaraang taon.