Biktima ng mail-order-bride scheme, nasagip

NASAGIP ng Bureau of Immigration (BI) sa Ninoy Aquino International Airport (NAIA) Terminal 1 ang isang Pinay na biktima ng ‘mail-order-bride’ scheme.

Iniulat ng Immigration Protection and Border Enforcement Section (I-PROBES) na tinangka ng Filipina na umalis papuntang Fujian, China noong April 8 ng kanyang mister.

Nagpakita sila ng marriage certificate na nagsasabing ikinasal sila ng 2019.

Pero nagduda ang immigration dahil sa inconsistencies sa pahayag ng Filipina at sa dokumento nito.

Sa ipinakitang dokumento, nakasaad na ikinasal sila sa loob ng travel agency sa Maynila.

Aminado ito na nagbayad ang Filipina ng P100,000 upang makakuha ng marriage certificate na ininspeksyon ng BI forensic documents laboratory at natuklasan na genuine.

“This is yet again another case of the mail-order-bride scheme wherein women are promised a better life abroad but are made to work as domestic workers with little to no salaries,” sabi ni BI Commissioner Norman Tansingco.

Itinurn-over ang biktima at kanyang pseudo-husband sa Inter-agency council laban sa trafficking para sa karagdagang imbestigasyon. (Jocelyn Domenden)