Sam Catantan swak sa Paris Olympics

NAPITAS ni Philippine fencing contender Sam Catantan ang ticket para sa 2024 Paris Olympics matapos mangibabaw sa women’s foil event ng Asia and Oceana Zonal Olympic Qualifier Sabado sa United Arab Emirates.

Dinaig ni Catantan si Sofiya Aktayeva ng Kazakhstan, 15-14, sa finals, kahit nagdurusa sa cramps bago masungkit ang slot sa Paris.

Catantan, na sumabak rin sa US NCAA, nagkasya sa silver sa 32nd Southeast Asian Games sa Cambodia nakaraang taon matapos magtamo ng injury.

Kamakailan lamang, ang dating teammate ni Catantan na si Maxine Esteban ay na qualified rin para sa Paris Olympics para sa Cote d’Ivoire.

Ang Filipina fencer ay mapapasama sa lumalaking listahan ng Paris-bound athletes mula sa Pilipinas gaya nina EJ Obiena, gymnasts Carlos Yulo, Aleah Finnegan, at Levi Ruivivar, boxers Eumir Marcial, Nesthy Petecio, and Aira Villegas, rower Joanie Delgaco, at weightlifters Elreen Ando, John Ceniza, at Vanessa Sarno