MRT-3 may libreng sakay ngayong Araw ng Kalayaan

MAY alok na libreng sakay para sa lahat ng mga pasahero nito ang pamunuan ng Metro Rail Transit Line 3 ngayong araw, Hunyo 12.

Ito ay isinagawa bilang pagdiriwang sa ika-126 na Araw ng Kalayaan ng Pilipinas.

Ang nasabing ihahandog na libreng sakay ay magsisimula ng 7:00 a.m hanggang 9:00 a.m habang itutuloy ito bandang alas-5 hanggang alas-7 ng gabi.

Sinabi ni DOTr- Assistant Secretary for Railways at MRT-3 Officer-in-Charge Jorjette Aquino, ito raw ay simpleng paraan ng Department of Transportation at Metro Rail Transit Line 3 upang gunitain ang Araw ng Kalayaan– na siyang isa sa pinakamahalagang okasyon sa ating bansa.

Ito rin daw kasi ay isang paalala at panawagan sa ating mga kababayan na sana’y patuloy na pangalaan at ipagtanggol ang ating tinatamasa ngayon na kalayaan na pinaghirapan ng ating mga bayani.