SEN. BATO, 4 PA SA ICC LIST NG ‘CRIMES AGAINST HUMANITY’

IBINUNYAG ni dating Senador Antonio Trillanes IV na kinokonsidera na ng International Criminal Court (ICC) na isama si Sen. Ronald ‘Bato’ dela Rosa at apat pa bilang “suspects” sa isinasagawang imbestigasyon sa “crimes against humanity” na nangyari sa administrasyon ni dating Presidente Rodrigo Duterte.

Sa kanyang post sa ‘X’ (dating Twitter), ipinakita ni Trillanes ang kopya ng dokumento mula sa The Office of the Prosecutor ng ICC kungsaan sina dela Rosa, at dating Philippine National Police (PNP) chief retired General Oscar Albayalde ay nakatala bilang “suspects” sa isinasagawang imbestigasyon sa umano’y mga pagpatay sa drug suspects noong termino ni Duterte.

Kabilang sa listahan ng ICC sina Major Gen. Romeo Caramat Jr, dating hepe ng Criminal Investigation and Detection Group (CIDG) at kasalukuyang commander ng Northern Luzon; Maj. Gen. Eleazar Mata, dating PNP chief intelligence officer.

Iimbestigahan din ng ICC si Edilberto Leonardo, dating commissioner ng National Police Commission (Napolcom), sabi ni Trillanes.

Ang dokumento, may petsang July 3, 2024 at may nakalagay na “Confidential,” ay pirmado ni Nazhat Shameem Khan, deputy prosecutor ng ICC-OTP.Bong Go: Malasakit Team naghahanda na sa relief distribution sa nasalanta ng bagyo.