4 mangingisda nasagip sa lumubog na bangka

Nasagip ang apat na mangingisda nang lumubog ang kanilang bangka sa karagatan ng Santa Ana, Cagayan at Babuyan Claro sa Calayan Island, Cagayan noong Biyernes.

Sinabi ng Municipal Disaster Risk Reduction and Management Office sa Calayan na nagsimulang bumaha ang tubig dagat sa bangka ilang sandali nang umalis sa Santa Ana.

Ilang oras din na naanod ang kanilang bangka na MB Mahoto.

Nakatawag naman sila ng tulong nang makarating sa isang lugar na may signal ng telepono.

Dito na sila natagpuan sa dagat malapit sa Brgy. Minabel.(Jocelyn Domenden)