Cathedral ng KOJC ‘di pinagamit sa 39th anniv.

PINAGBAWALAN ang mga miyembro ng Kingdom of Jesus Christ (KOJC) ni Pastor Apollo Quiboloy na gamitin ang kanilang cathedral sa pagdiriwang ng kanilang 39th anniversary nitong Linggo, Setyembre 1.

Ayon kay Atty. Estraelito Torreon, ang lead ng legal counsel ng KOJC, ito anila ang direktiba ng Philippine National Police (PNP).

Ayon sa abogado, malaking pagtipon ang gagawin ng mga miyembro na mula sa iba’t ibang bansa para sa okasyong ito.

Aniya, gagamitin nalang nila ang harapang bahagi ng Cathedral.

Kinokontrol at inuukupa umano ng PNP ang KOJC sa kabila ng Temporary Protection Order.