Quizon nakamit ang GM title sa Chess Olympiad

NAGAWA ni Filipino Daniel Quizon ang kanyang mission na maging grandmaster matapos idispatsa si GM Igor Efimov sa board 2 nang itakda ng Pilipinas ang 4-0 wagi laban sa Monaco sa fourth round ng 45th FIDE Chess Olympiad sa at BOK Sports Hall sa Budapest, Hungary.

Ang 20-year-old mula sa Dasmariñas, Cavite ay nagtagumpay laban sa 64-year-old Efimov matapos ang 37 moves ng Kings’s Indian Defense,kumita ng 2 puntos para marating ang 2500 ranking.

“I am so happy,” Wika ni Quizon.

Tatanggap siya ng insentivo na PH 1 million mula sa Dasmariñas Mayor Jenny Barzaga.

Pinadapa ni GM Julio Catalino Sadorra si Amir Bagheri sa board one, Sinakal ni Paulo Bersamina si Damir Levacic sa board three,at IM Jan Emmanuel Garcia dinaig si Patrick Van Hoolandt sa board four.

Dahil sa panalo ang ang No.51 Philippines ay nalagay sa 13th place,kapantay ang 25 iba na may six points.

Makakaharp ng Pilipinas ang 26th seeded Slovenians sa fifth round.

Umiskor rin ang Pilipinas ng 4-0 wagi kontra El Salvador sa women’s division.

Top board player Shania Mae Mendoza tinalo si Andra Ortez matapos ang 60 moves ng Sicilian Defense.

“Actually, I did not expect to win in other games. I just did my best,” Sambit ng the 26-year-old Mendoza mula Santa Rosa, Laguna.

Ang women’s team, ay 13th sa standings, makakaharap ang Italy sa susunod.