‘Missing’ na lolo, bangkay na nang matagpuan

Bangkay na nang matagpuan ang 72-anyos na senior citizen na dalawang araw nang nawawala at pinaghahanap sa Tayum, Abra.

Ayon sa mga kaanak, huling nakita ang biktima noong Linggo at nitong Martes lamang ito natagpuan sa palayan na nakahandusay ilang metro ang layo sa kanilang bahay.

Ayon sa mga awtoridad, posibleng nanggaling sa gubat ang biktima dahil nakita pa roon ang kanyang tsinelas na suot.

Hindi naman nakitaan ng galos o kahit na anong palatandaan na ginawan ng krimen ang biktima.