Honoraria ng mga gurong nagsilbi sa halalan sinimulan nang ipamahagi — Comelec

DALAWANG araw matapos ang 2025 National and Local Elections, sinabi ng Commission on Elections (COMELEC) nitong Miyerkules na nagsimula nang ipamahagi ang mga honoraria ng mga gurong nagsilbi sa halalan.

Sinabi ni Director John Rex Laudiangco, tagapagsalita ng Comelec, dapat puntahan ng mga guro ang kanilang election officer upang makuha ang honoraria.

Naglalaro sa P9,000 hanggang P12,000 ang matatanggap ng mga nagsilbi sa eleksyon makaraang aprubahan ng Department of Budget and Management (DBM) ang P2,000 dagdag.

Alinsunod naman sa Election Service Reform Act, kailangan mabigay na ng poll body ang honoraria sa loob ng 15 na araw matapos ang eleksiyon.

Samantala, wala namang natanggap ang Comelec na ulat tungkol sa mga gurong nakaranas ng karahasan nitong nakalipas na halalan.